Nuwe familie feite :-)

Ek kuier weer 'n bietjie in die Kaap by die see vir oa 'n troue waarvan ek volgende week sal vertel en foto's wys. (As julle wil loer wat ek en my gesin doen, gaan loer gerus hier) . Die aand voor ons Weskus toe ry vir die troue word daar eers by Ronelle gekuier saam met Ronelle en Hennik, tannie Ruth en oom Thomas en tannie Omie en oom Deon. Hier gesels die vrouens terwyl die mans in die kombuis die kos regkry. My kinders kry vanaand die geleentheid om ook saam met hulle te kuier en hulle hoor baie stories, staaltjies en moet ook van hulleself vertel. Hier is dit James se beurt terwyl ooms Deon en Thomas vra. Almal het iets gemaak vir die ete met Hennik wat die hoenderpastei gemaak het. Ronelle kan nie dat hy alleen afgeneem word nie :-). Kyk net daai pampoen, groenbone, braai aartappels, pastei, en rys. Nelmari en tannie Omie skep in en sy's mooi gereed vir die kamera. Die mans skep in. Tannie Omie kan nie wegbly van die kamera nie en sy skep vir Oom Deon in. William en James help ook hulself aan die lekker kos. Ons verkeer vreetsaam om die tafel en na ete word daar kopstukke gesels aan familie stories. Ons hoor dat die Viljoens baie van hulle "rykdom" aan 'n ene Du Toit "verkoop" het vir amper niks en daar word lekker gelag toe ons skielik onthou dis die 'Du Toit's' wat ons vir die aand onthaal. Dankie julle vir 'n heerlike kuier en heerlike kos!