Die familie vroue kuier - deel 2 - baie onthou's

En soos die mense aankom word daar gelag en gesels dat mens hul wie weet waar kon hoor. Ook maar goed Rene se huis is nie naby ander nie, anders was daar moeilikheid.

Met die geselsies word daar opgevang en gou-gou is lank laas gesien soos nou die dag. Hier kuier tannies BT, Bokkie en Babsie saam.

Ons kon bietjie saam met die nuwe baba's kuier en hulle was stroopsoet terwyl die tannies ge-ooooo en ge-aaaa het rondom hulle. Tracy lag lekker vir iets wat tannie Ruth vir klein Jana se en nig Christa dink ook dis snaaks.

Party van die tannies, ek sal nie name noem nie, het Rene versoek om te sorg dat daar sjampanje is. Hier word daar "gedemonstreer" hoe mens 'n bottel oopmaak. Ek onthou van 'n niggie wat nie lank terug ook 'n kenner op die gebied was :-).

'n Paar van die ouer niggies help met die gee van raad. En mense is daar gekuier en geeet .... En nogmals geeet ..... groot en klein, oud en jonk kon net nie wegbly van die kostafels nie.

Rene het 'n hoekie met aantrek klere, hoede, pruike en maskers gehad en baie "tina's" het te voorskyn gekom.

En skaam vir optrede was ons nog nooit :-). Nog lekker kuiers en geselsies. En tussen deur is foto's van kleinkinders en lank terug se dae uitgehaal en gewys.

Kom loer na die naweek vir nog foto's en 'n storie of twee.