'n Wynroete saam met twee kenners

Ek het al voorheen vertel dat ons in die familie twee uiters bekwame "wynkenners" het en nou praat ek nie hier van Ronelle en Hennik nie ..... Ronelle hulle het onlangs voor die KKNK 'n geleentheid gemaak om saam met die twee kenners op 'n wynroete te gaan om nog meer kennis te gaan opdoen. Tannie Omie en Ruth besig om die wyne te bespreek. Uit ondervinding en in die bevoorregte posisie om self so 'n "lesing" van hulle by te woon, kan ek met alle eerlikheid se hulle ken die verskil tussen 'n boks en bottel wyn en teen 2009 en 2007 wyne. Ek is seker die manne, oom Deon, oom Thomas en Hennik het die bespreking interessant gevind. Kyk net hoe rustig proe die manne terwyl die tannies hulle glase vashou asof hulle bang is iemand gaan dit weg vat :-). Oom Deon en oom Thomas by die ingang van Graham Beck. Waar is die tannies? Ok dit kan nie van die proe wees dat hulle modelle speel nie. Hier is hulle besig om reg te maak vir proe by die Boland Wynkelder. En dan is dit tyd vir lekker middagete in die Paarl by Proviant met die twee tannies wat heerlike afval=kerrie eet. Ronelle ek sien jy het die "trick" by my geleer - as mens self foto's neem kom jy nie in hulle nie. Dankie vir die aanstuur.