Bietjie nuus van my kant ook

Alhoewel ek die foto's van die familie plaas is daar nie altyd baie van my en my gesin nie en die rede weet die meeste van julle ... ons nuus is alles op 'n ander blog hier. En vandag is die familieblog amptelik EEN JAAR oud en steeds weet ek nie wie van julle dit lees nie. Laat bietjie weet met kommentaar of epos. Dankie vir almal wat hulle lief en leed met ons deel - dit is 'n manier om met mekaar kontak te hou.

My eie spog vandag ... Ons oudste James het verlede week sy B.A. Hons Sport Wetenskap behaal. Hy het ook intussen 'n permanente aanstelling by die American International School in die dorp gekry en dis lekker om hom naby ons te he. Baie geluk seun ons is trots op jou. Vir hoe lank hy nog in die "huis" gaan wees is ek nie seker nie want verlede Sondag het hy die groot stap geneem en aan Leane (Botha) verloof geraak. Leane is nog tans besig met haar honneursjaar in B.Sc Geologie en daarna sal ons seker weet wanneer die twee beplan om te trou. Baie Geluk julle ....!!!!