Huldeblyk aan Marius (2)

Toe Sandra Holloway my Saterdag uit Abu Dhabi bel en se sy wil he ek moet iets oor Marius skryf, toe dink ek - 'waar gaan ek begin?' As ek oor al my en Marius se saam tye wil skryf kan ek 'n boek vol skryf.

.

Sandra Rossouw het ook vanoggend 'n 'onthou jy' epos gestuur. Ons het baie sulke 'onthou jy' tye gehad en as ons 3 saam gekuier het kon ons baie staaltjies vertel en lekker lag oor ons jongdae.

Ek en Marius verskil net 6 maande en was van baba dae af maats. Hy was regtig baie meer as net 'n neef - hy was ook my beste vriend. Ons het baie baie saam gelag, en ook baie saam gehuil!Ons het ons diepste geheime, geluk en hartseer met mekaar gedeel.

As kinders en tieners was ons byna elke naweek en vakansie bymekaar. Saam vakansie gehou, getoer en gekuier. Ons gereelde kuiertjies in Riverton, Goudini, Durban, op die plaas in Rawsonville, Oudtshoorn, Worcester, Pinkster Park, en ook Paarl en Wellington ... koester ek met my hele hart!!

WONDERLIKE tye!! Ons het die gelukkigste grootwordjare gehad. Sorgvry en vol lag.

Ons was 'n ruk saam op skool in Kuilsrivier (laerskool) en Paarl (hoerskool) Al was hy 'n standerd bo my, het ek altyd voor skool en pouses seker gemaak hy is by my.. en hom nie onder my oe laat uitgaan!!

Sal ek ooit ons Namibia toer vergeet... Dit was 1 van my en Marius en Sandra Rossouw se hoogtepunte. Ons kan oor hierdie toer alleen 'n boek skryf!! Die agter sitplek in die bus was ons s'n. Ons toerleier het paar keer op daardie rit na en van Namibia kom kyk waaroor die gelag agter in die bus gaan. Waar Marius was was daar altyd 'n gelag !!

Dan ons toer Dubai en Turkye toe. Marius het kans gesien om 7 vrouens saam met hom te neem. Die arabiere en turke het baie respek gehad vir die man met 7 vroue!! En dit het natuurlik ook 'n groot gelag afgegee.

Hy het 'n hele paar keer as 'toerleier' oorsee gegaan, en almal wat saam met Marius 'n oorsese toer gedoen het kan vertel watter groot pret dit was! Hy was lief vir toer, reis en musiek. Hy en Hennik het ook 'n liefde vir musiek gedeel. As hy van 'n nuwe kunstenaar hoor het hy dadelik vir my laat weet ek moet vir Hennik vertel om cd of dvd te kry. Hy was ook die eerste persoon wat ek gese het toe ek verlief raak op Hennik.

Toe ek en Hennik trou was hy Hennik se strooijonker. En toe ek swanger raak was hy die persoon wat ek gekies het om my kind se peetpa te wees. Wie anders?! En hy was Monique se regterhand en bondgenoot toe ek en Hennik in PE gewoon het. Toe Monique 'n klein ongelukkie of 2 met haar motor gehad het in daardie tyd, was Marius en Mark die 2 wat haar moes help en hulle het als stil gehou vir my. Marius en Monique het paar geheime en dinge vir my weggesteek - net soos 'n regte cool oom sou doen!

Op Monique se 21ste verjaarsdag het Marius so ' paar' van sy en Monique se staaltjies vertel.. ook maar goed ek het nie van als geweet!! En toe Monique trou was haar peetpa die een mens wat sy wou he moes heildronk instel op haar.

Marius was die mees liefdevolle, lojale en pittigste mens wat ek geken het. En groot fun!!

Toe ek die eerste keer hoor Marius het kanker was my 1ste gedagte 'hoekom Marius'?

Marius, ek koester ons grootwordjare en ons herinneringe saam.

Jou eposse en sms'e wat jy die laaste klompie maande vir my gestuur het het ek oor en oor gelees Saterdag nadat ek die nuus ontvang het - ek gun jou die rus en vrede. Ek is hartseer jy is weg, maar bly jou lyding is verby.

Jy verdien net die beste, en ek weet waar jy nou is is die beste plek om te wees.

Ek is baie lief vir jou !!