Die troue ... mnr en mev Basson

Eintlik wag ek nog vir die amptelike foto's, maar tot dan, hier is 'n paar foto's van Mariska en Fransie (Francois) se troudag 13 Desember op Laaiplek aan die Weskus.Die bruidegom lyk heel op sy gemak, saam met Viljoen Dreyer (in die middel) en 'n vriend wie se naam ek nie nou kan onthou nie. Die klein bruid en bruidegom kom saam met die strooimeisies ingestap en hulle was so mooi soet voor in die kerk. Madre (Tes en Andre se oudste) was een van die strooimeisies. Hier kom sy ook die kerk binne. Trotse pa Andre en Mariska kom die paadjie afgeloop. Die ringe was 'n ander storie want dit kon nie loskom nie :-), maar hier sit Fransie eintlik die ring aan Mariska se vinger. Hulle teken die huweliksregister voor die getuienis. En eindelik kom die nuwe Mnr en Mev Basson by die kerk uitgestap waar almal seepbelle plaas. Die boetie en sussies, Viljoen, Mariska en Madre. Die bruid met haar ma wat nou die ene glimlaggies is. Daarna is ons almal na Velddrif se stadsaal vir die onthaal. Die saal lyk pragtig opgemaak ... kom loer later vir die foto's.