Kersfees kom nader

Ek hoor van 'n redelike betroubare bron dat daar tannies is wat nou voor Kersfees nie een straatmark of "uitverkoping" mis nie. Sy vertel dat 'n "peetma-van-vele" een van die grootste shoppers is en dat sy haar by elke markie raakloop. Nou wonder ek net hoekom is sy ook by elke markie? :-). Vir die van julle wat daarvan hou om spesiale geskenkies te koop vir die spesiale mense in julle lewe, gaan loer bietjie by die onderste twee winkels in vir groot Kersuitverkopings en se ook sommer hallo vir familie! Die Hadeda winkel in Kaapstad, is in Dunkley square, Wandel Str. Vir foto's wat ek daar tydens my besoek geneem het, loer bietjie hier. Vanaf 1 Desember is hulle oop vanaf 09:00 - 20:00 Maandag tot Vrydae, 09:00 - 18:00 op Saterdae en Sondae en vakansiedae vanaf 09:00 tot 17:00. Die persoon om hier mee te gesels is Anneke (Ronelle se dogter). Dan het hulle nog 'n tak oopgemaak vir julle ouens wat nader aan die Noordelike Voorstede bly en daar kan julle lekker saam met Ronelle gaan kuier. Die winkel is in die Willowbridge winkelsentrum, direk oorkant die Tygervallei Sentrum. Die winkelure is dieselfde as by die ander winkel. En as julle regtig niemand het om voor geskenkies te koop nie, onthou ek is in SA vanaf 29 Nov - 15 Des :-)!

Vir meer inligting loer sommer na hulle webblad hier.

Lekker shop!

ns. Laat weet bietjie hoe het dit gegaan by al die skoolprysuitdelings, die universiteite, familiebyeenkomste, kuiers, werke en sommer orals asb.

Ek kry geen afslag of voordele vir hierdie advertensie nie :-)