Die familievroue kuier – deel 10 “laaste kuier voor kamera”

En so raak ons foto-storie van die vroue reunie ook nou klaar. AI wie sal nog stories van ander familie-aktiwiteite stuur?

Oor 'n daggie sal ek foto's van Mark se troue opsit en natuurlik nog 'n storie van tannies met die ipad :-), maar julle ander moet ook bietjie help en laat weet wat daar in julle families gebeur. Ek weet Tertia het 'n groot spog, maar sonder foto's en die storie kan ons niks opsit nie ~ so kom aan ek wag!! Nuwe foto's van kleinkinders is ook welkom, daar is so baie van hulle (dis nou kleinkinders en ek's seker foto's ook).

So vir oulaas is daar groep(ie) foto's geneem en hier is 'n paar.

Hulle staan sowaar stil met niks eetgoed in hulle hande nie ...

Tannie Beatie met haar dogters Karin en Christelle.

En met haar peetdogter Benitha.

Tannie Joy en haar twee dogters Christa en Celeste.

Tannie Omie en haar peetdogter Amanda (Jinne ons twee het nooit 'n foto laat neem nie.

Zet en haar twee dogters Amanda en Benitha.

Drie geslagte - tannie Ruth met haar dogter Ronelle en kleindogter Anneke.

Tannie Bokkie met haar dogter Chantelle en kleinseun Franco.

'n Hele bondel van hulle :-).

Dankie julle dit was baie lekker en ons maak gou-gou weer so.

Verjaarsdae 26 September - 2 Oktober

Hierdie week se verjaarsdae is:

HANNAH PREUSS

saam met

MONIQUE NEETHLING

op die

30 ste

EN

Joy Stemmet

op die

2 de

BAIE GELUK MET JULLE VERJAARSDAE

ONS HOOP DIS 'N GESEENDE DAG EN NUWE LEWENSJAAR

Die familievroue kuier – deel 9 “Die boksies”

Alles moet op 'n stadium einde se kant toe staan, en so het dit tyd geword om te begin groet. 'n Wavrag eetgoed bly oor, en Rene verskaf boksies dat almal so 'n bietjie kan "take-away" huistoe. Met goeie "redes" soos dis vir my man en/of kind(ers) by die huis, word daar gou ywerig ingepak.

Nelmari en tannie klein Babsie kry nog kans om so bietjie te gesels ook tydens die inpakkery.

Karin ook reg met die boksie :-).

Chantel moet eers die boksie gevou kry voordat sy kan eetgoed inpak.

Nou raak almal besig met die pakkery. 'n Stukkie van die, 'n bietjie van daai ....

"Wag bietjie ek wil eers van daai he" se Jeanette vir tannie Ruth. "Vat net 'n klein stukkie dat daar vir my ook is", antwoord sy terug :-).

Tannie Joy maak seker dat tannie Omie nie iets het wat sy nog nie het nie, terwyl tannie Omie tel dat niemand iets uit haar boksie gevat het nie :-).

En terug by die lekkergoed - ja Ronelle het sowaar oorgelos - is Jeanette besig om "nog 'n sakkie" vol te maak :-).

"Ja, dis twee sakkies " wys sy vir my :-). Moet dit nie probeer vat nie!! Ek dink niemand het dit gevat nie, maar iemand het wel haar boksie eetgoed gevat :-)

Met alles wat so in boksies en sakkies gepak word, moes Rene bontstaan om te keer dat sekere mense wat hier lees, nie ook die kombersies inpak nie :-).

Die familievroue kuier – deel 8 “Danse”

Nie op die oorspronklike beplanning nie, maar dat party lus was vir dans is nou eenmaal waar. Kyk net hier ...

Jeanette wys wat 'n "ouma" kan doen :-).

En dan het ons nog 'n "ouma" Denise wat 'n Tina Turner vertoning lewer met mikrofoon die lot :-).

Die musiek werk aansteeklik in en gou-gou is daar twee wat dans.

Die jonger geslag kry bietjie lesse lyk dit my.

Nog twee sussies sluit aan by die dans-partytjie.

Die eerste twee gaan nog sterk aan met die dans.

Die twee sussies dans saam.

Nou wat sou ouma van al dit gese het wonder ek :-). Enige iemand wat wil raai?

Weet nie wie van julle ken die liedjie "alles kom in boksies nie", maar die volgende blog kyk ons bietjie wat en wie en hoe daar met die boksies gewerk is.

Die familievroue kuier – deel 7 “Orals is gekuier”

Een van die nadele van so 'n vroue reunie, is beslis die uitmis oor wat in verskillende groepies gesels word. Maak nie saak hoeveel jy probeer nie, iewers was daar altyd iemand wat gelyk het asof hulle onderwerp die interessantste en/of snaakste was.

Twee groepe sommer langs mekaar besig om stories te vertel.

Wat sou ouma en kleindogter oor sit en gesels?

Van die "ouer" gade het jare se stories om te vertel.

Rustig op die stoep word daar opgevang

.

Hier word iets interessants vertel.

Selfs terwyl daar tee en koffie gemaak word, word daar gekuier.

Jonk en "ouer" gesels saam.

Wat sal hier gese word?

Sommer 'n groot groepie wat gesels.... en tannie Joy .... wat maak jy? :-)

As mens al die klein-groepies stories net kon vasvang om eendag te kon oorvertel ..

Kom kyk bietjie oormore wie word uitgevang tydens die dansery :-)

Verjaarsdae 19 - 25 September

Baie geluk aan ons enkele verjaarsdagmaatjie hierdie week:

WERNER VAN ZYL

op die

21 STE

ONS HOOP DIT IS 'N HEERLIKE DAG

PROPVOL BAIE BEDERF!

Die familievroue kuier – deel 6 “Lekker lag”

Selfs na die eet en konsert is daar nog baie lekker gekuier en gelag. Ek sal regtig wil weet wat by elkeen van die foto's gesels is :-).

Jeanette, tannies Bokkie en Ruth deel hier 'n grappie.

Rene en RonelLe kom by en nou word daar nog meer gelag. Waarvoor is jy skaam Rene?

Hierdie drie is nie "engeltjies" nie :-).

'n Ander groep waar daar lekker gelag is. Kyk bietjie wie verskyn sover op al die geheime grappie-foto's ....

Dit was 'n goeie storie.

Hierdie klomp lag lekker toe hulle uitgevang word.

Hulle vertel en lag sommer weer vir die storie.

En dan word daar vingers gewys oor wie se skuld dit nou eintlik is.

Soveel stories is vertel wat almal so lekker laat lag het. Mens moet dit op papier kry vir die nageslag :-)

Die familievroue kuier – deel 5 - “Uitgevang”

Een van die "lekker" dinge by die reunie was die "lekker-goed-kas" waar jy kon proe en skep :-). Glo my hier was 'n klomp gereelde besoekers en ek praat nie nou van die kleintjies nie. En die verskonings wat gebruik is, soos oa "dis vir my man by die huis" ...... ek wonder of die mans wel die sakkie lekkergoed gekry het. Een spesifieke groep was heerlike fotoneem materiaal ~ kyk net bietjie hier :-).

Hier word baie ernstig besluit op watter lekkergoed ingeskep moet word.

O die keuses ne Maxie ...

Uitgevang, maar dis nie vir my nie se RonelLe.

Miskien moet ons net 'n klein bietjie meer inskep

.

Kom ons maak asof ons nie die kamera sien nie.

Dis nie so maklik nie want die kamera kan sien hoeveel ons inskep.

Sit nou daai kamera neer dat ons kan verder skep ....

O 'n kamera en ons word afgeneem!!!! Ek het dit nie geweet nie :-)

Hierdie foto's is in die volgorde geneem en die ander kan bly wees hulle is nie op heterdaad betrap nie ..... of is hulle?

Dankie Rene, die lekkers het vir groot pret gesorg, tydens en agterna by die huis.