Vanjaar was beslis die jaar van die troues in die familie.
Hierdie keer was dit Madre (oudste van Tertia en Andre Dreyer) wat getroud is met Ernest Petersen.
Soos die foto's wys, was Madre 'n pragtige bruid.
Die hele Dreyer gesin.
Met boetie, sussies, ouers en ouma.
Ernest en Madre ons wens julle net die beste toe vir jul huwelik. Mag dit alles wees wat julle hoop dit sal wees.
Debbie, Denise se dogter het ons so ‘n bietjie ge”update” oor wat hulle gedoen het die laaste rukke.
Hennie, (Denise se seun) het onlangs die bestuur van die Cape to Cuba in Stellenbosch oorgeneem
en Sondagoggende kuier en eet hulle ontbyt daar. As enige van julle in die familie wil kom saam ontbyt, gee gerus vir Debbie ‘n luitjie by nul,sewe,ses,nege,nul,vyf,nul,nul,twee,nege om plek te bespreek.
Die restaurant is ook onlangs gebruik as gasheer van die Cansa Survivor ete en hier is Hennie en sy span
.
Tydens een van Denise se vriendinne se verjaarsdag is die partytjie ook daargehou. ‘n Paar van ons “bekende” blogsterre was soos altyd teenwoordig.
En nog een – kyk net hoe ernstig.
Klein Lisa het natuurlik ook onlangs verjaar en die foto’tjie is op haar partytjie geneem. Op die foto is Adele met Lisa en Lynette met Andre.
‘n Foto van Fanie (Debbie se man) en Hennie (haar pa) tydens ‘n braai. Fanie het so ‘n tydjie gelede ‘n hartaanval gehad en ons is dankbaar dat dit beter gaan met hom. Hy moet dit net rustig vat. Ons bid dat hy sommer gou-gou heeltemal gesond sal wees.
Daar is nog ‘n foto of twee maar dit plaas ek later. Dankie vir die deel Debbie.
Net verlede week het ek gese dat die familie waarlik vanjaar geseend is met al die nuwe baba's en hier is sommer nog 'n baie welkome toevoeging. 'n Baie trotsse Ouma Maretha (Bokkie) laat weet:
Hier is 'n foto van mamma Chantal en pappa Juan oppad teater toe.
Klein Franco is gister ongeveer 2 uur gebore en het 3.25 kg geweeg. (Dis hoe ek van die nuus hou tannie Bokkie, vars en dadelik :-))
Die twee oumas het dit met tee en kaaskoek gaan vier. Sal graag wil sien hoe Carlo gereageer het op sy nuwe boetie se aankoms.
Baie geluk met die nuweling julle. Ons glo dat hy vir julle en almal rondom hom 'n groot blessing gaan wees. Hou ons op datum met sy vordering.
Die familie is waarlik geseend verjaar .... nie net is daar 'n paar nuwe eggenotes in die familie, maar ook 'n klomp baba's is gebore en 'n klompie nog oppad.
Hierdie keer was dit Tracey van Jeanette se ooievaarspartytjie. Die partytjie is by Ursual se huis gehou en Leana (Rene se dogter) het dit gereel. Soos gewoonlik is die heerlike eetgoed deur Rene en Anja gemaak.
Klein Jana wat vroeg in Desember haar opwagting maak het sommer 'n klomp nuwe uitrustings waarmee ma Tracey kan popspeel. Ouma Jeanette lyk net so in haar skik.
'n Paar van die gaste wat die lekker geleentheid bygewoon het.
Ons sien uit daarna om sommer binnekort klein Jana se foto's vir almal te wys.
Die klein patroon is nou omtrent 2 maande oud en sy het self vir "tannie" Ronelle en "tannie" Rene op hol :-).
Dankie tannie Tracey vir die aanstuur van Emilie se foto'tjies. Ek's baie seker dat mamma Ursula en pappa Gerrit saam met ouma Jeanette baie trots is op die meisiekind.
Lanklaas so baie troues in die familie gehad, en hierdie keer is dit ILSE MARITZ (tannie Tossie se kleindogter) wat getroud is met MARIUS GEYSER.
Ilse was sommer 'n pragtige bruid en natuurlik het jy ook mooi gelyk Marius :-).
Ons wens julle net die mooiste toe as 'n paartjie en gesin.
