Die grootste nuusmakers op die familieblog is verseker die twee tannie. Ek weet dat tannie Joy en oom Henry verseker ook nie niks doen nie, maar iewers is daar iemand "erger" as my korrespondent wat werklik nie die kamera's onthou nie, want ons sien en hoor niks van die twee nie :-). Dankie Ronel met die dubbel Le vir die aanstuur.
Dit blyk die groepie was oorspronklik oppad Struisbaai toe en toe sommer orals langs die pad gestop het. Waar ons gewoonlik by Dassiesfontein gaan eet, (hulle het 'n lekker restaurant) het die drie heelwaarskynlik onder die invloed van hulle gids, die wynkelder gaan besoek. En so goed soos wat die gids weet hoe om 'n bottel oop te maak (ek soek nou daai video), so goed ken die tannies die wyne (loer hier).
Arniston lyk vir my lekker koud so terwyl die tannie "pose". Oom Thomas sit maar en boek lees.
Die Intshiba craft winkel is ook een van die stopplekke. volgens die toergids het hulle by elke winkel en restaurant gestop :-). Selfs roomys in die koue geeet. Oom Thomas het die vroue gehelp om nie teveel geld uit te gee nie.
Dit lyk darem asof hy ook 'n kansie gehad het om iets aan te pas, al is dit 'n hoed.
In Bredasdorp by 'n lekker teetuin is daar heerlik gekuier en grappies gemaak wat hulle nie wil deel nie. Ongelukkig kan mens nie liplees nie, maar wat ek van daai venstertjie by daai teetuin onthou is 'n badkamer :-).
Dit lyk asof die drie van hulle sommer 'n baie lekker kuiertyd gehad het en dat daar sommer baie gelag is.
Dankie dat julle so mooi vir ons "gepose" het vir foto's en dankie Ronelle dat jy nie net jou kamera onthou het nie, maar selfs die battery gelaai het.
Rene, jy weet jy het nou 'n opdrag ne?!
